محه‌ممه‌دڕه‌زا فه‌قیهی، پارێزه‌ری دادگوسته‌ری خه‌ڵكی تاران،له‌لایه‌ن لقی ١٥ی دادگای ئینقلابی ئه‌و شاره به پێنج ساڵ زیندان و دوو ساڵ قه‌ده‌غه‌ی سهفهركردن بۆ ده‌ره‌وه‌ی وڵات مه‌حكووم كراوه.
محه‌ممه‌دڕه‌زا فه‌قیهی له‌لایه‌ن لقی ١٥ی دادگای ئینقلابی تارانه‌ه‌وه به تۆمه‌تی “ئیجماع و ته‌بانی دژبه ئه‌منیه‌تی وڵات” به پێنج ساڵ زیندان و به تۆمه‌تی “تێكدانی ئاسایشی وڵات” به دوو ساڵ قه‌ده‌غه‌ی سهفهركردن بۆ ده‌ره‌وه‌ی وڵات و دوو ساڵ دووكه‌وتنه‌وه له پیشه‌ی پارێزه‌ری، هه‌روه‌ها قه‌ده‌غه‌ی به‌شداری له هه‌ر جۆره گرووپ و ڕێكخراوه‌ی سیاسی مه‌حكووم كراوه. شایانی باسه كه محه‌ممه‌د ڕه‌زا فه‌قیهی به بیانووی به‌شداری له كۆبوونه‌وه‌ی پارێزه‌رانی دادگوسته‌ری له ٢٠ ڕه‌زبه‌ری ساڵی ١٤٠١، به زیندان و سزای ته‌كمیلی مه‌حكووم كراوه.