“جه‌عفه‌ر ئیبراهیمی” بازڕه‌سی شۆرای هاوئاهه‌نگی ڕێكخراوه سنفییه‌كانی فه‌رهه‌نگیانی ئێران كه هاوڕێ له‌گه‌ڵ كۆمه‌ڵێك له موعه‌لیمان له كۆبوونه‌وه‌ی ١ی گوڵانی ١٤٠١ دا ده‌ستبه‌سه‌ر كرابوو، له‌لایه‌ن لقی ٣٦ی دادگای پێداچوونه‌وه‌ی تارانه‌وه به پێنج ساڵ زیندان مه‌حكووم كراوه.
پارێزه‌ری “جه‌عفه‌ر ئیبراهیمی” له‌و باره‌وه نووسی: زۆرترین سزا بۆ تۆمه‌تی ساخته‌ی “ئیجماع ته‌بانی” واته پێنج ساڵ بۆ ناوبراو په‌سه‌ندكراوه به‌ڵام به‌پێی به‌خشنامه‌ی كه‌م كردنه‌وه‌ی سزاكان، ٢ ساڵی بۆ ئه‌چێته بواری جێبه‌جێ كردنه‌وه، هه‌روه‌ها ماوه‌ی به‌ندكرانی ئێستا و پێشووی له ماوه‌ی سزاكه‌ی كه‌م ده‌كرێته‌وه.