ئهمریكا و بهریتانیا ڕۆژی پێنجشهممه ٣٠ی خاكهلێوه، كۆمهڵێك تهحریمی تازهیان بهسهر ڕژیمی كۆماری ئیسلامی دا سهپاند.
ئهو تهحریمانه له حاڵیكدا ڕاگهیهندراوه كه پاش هێرشهكهی سپای پاسداران بۆ سهر ئیسڕائیل ئهگهری قووڵبوونهوهی ئاڵۆزییهكان له ڕۆژههڵاتی ناوهڕاست له ئارادایه. دهفتهری كۆنتڕۆڵی داراییهكانی وهزارهتی دهرهوی ئهمریكا، ١٦ كهسایهتی و دوو ڕێكخراوهی ئێرانی كه ماتۆڕی پههبادیان بۆ هێرشهكهی ٢٥ی خاكهلێوه دابین كردووه خستۆهته لیستی گهمارۆكانیهوه. ههروهها بهریتانیا چهندین ڕێكخراوی نیزامی، كهسایهتی و ڕێكخراوهی ئێرانی كه دهستیان له بهرههمهێنانی پههباد و مووشهكهی بالستیك ههیه تهحریم كردووه.