ڕاپۆرته‌كان باس له‌وه ده‌كه‌ن كه وه‌زاره‌تی كاروباری ده‌ره‌وه و خه‌زێنه‌داری ئه‌مریكا، سزایان به‌سه‌ر ٣٩ كه‌سایه‌تیی حه‌قیقی و حقووقی له سوورییه له‌وانه، “به‌شار ئه‌سه‌د” و هاوژینكه‌ی سه‌پاندووه.
“دوناڵد ترامپ” ڕۆژی چوارشه‌ممه به سه‌پاندنی سزای نوێی ئابووری به‌سه‌ر ٣٩ كه‌سایه‌تیی حه‌قیقی و حقووقی سوورییه به‌هۆی پێشێل كردنی مافی مرۆڤ له‌م وڵاته، گوشاره‌كانی بۆ سه‌ر ده‌وڵه‌تی ئه‌سه‌د چڕتر كرده‌وه. هاوكات “مایك پۆمپێئۆ” له به‌یانییه‌كدا ڕایگه‌یاند: “هه‌ر كه‌س یاخود لایه‌نێك له‌گه‌ڵ ڕژیمی به‌شار ئه‌سه‌د هاوكاری بكات، به بێ سه‌رنج دان به‌وه‌یكه له كوێ قه‌راری گرتووه، ئه‌م سزایانه ده‌یگرێته‌وه.”