ڕۆژی دووشەممە ٢٧ی ڕێبەندانی ١٤٠٤ی هەتاوی، لە بەردەوامی گوشاری ئەمنی ڕژیمی کۆماری ئیسلامی بۆ سەر خوێندکاران، سێ خوێندکاری زانکۆی زانستە پزشکییەکانی تەورێز بانگهێشت و دوو کەسیان دەستبەسەرکراوە.
بەپێی دوایین زانیارییەکان، دوو خوێندکاری ئەو زانکۆیە بە ناوەکانی “محەممەد ئەسەدی و عەلی پەروین“، پاش بانگهێشت كردنیان بۆ ناوەندە ئەمنیەکانی ڕژیم، دەستبەسەر و ڕەوانەی گرتووخانەی ناوەندە ئەمنیەکان کراون. هاوکات خوێندکارێکی دیکە بە ناوی “دانیال محەممەد ئەمانی” بە هەمان شێوە بانگهێشت و لێپرسینەوەی لێ کراوە. شاینی باسە لە ڕۆژانی ڕابردوودا، خوێندکارانی زانکۆکانی ئێران هەڵمەتێکیان دەستپێکردووە و گەمارۆیان خستووەوە سەر هەموو کلاسە مەجازییەکانیان.