ڕۆژی پێنجشەممە ١٥ی ڕەشەمە، هاووڵاتییەک بە ناوی ئاوات ڕۆستەمی، تەمەن ٤٠ ساڵ و خەڵکی گوندی “خوڕخوڕە“ی سەر بە شاری مەهاباد، لەلایەن هێزە ئیتلاعاتییەکانی ڕێژیمەوە دەستبەسەر و چارەنووسی نادیارە.
بەپێی زانیارییەکان، دەستبەسەرکردنی ئەم هاووڵاتییە لە ئەنجامی هێرشی هێزە ئەمنییەکان بۆ سەر شوێنی مانەوەی ناوبراو ڕوویداوە و بەبێ نیشاندانی هیچ بەڵگەیەکی یاسایی دەستبەسەرکراوە. شایانی باسە کە سەرەڕای بەدواداچوونی بەردەوامی بنەماڵەکەی، تا کاتی ئامادەکردنی ئەم هەواڵە هیچ زانیارییەکی ورد سەبارەت بە هۆکاری دەستبەسەرکردن، ئەو تۆمەتانەی خراونەتە پاڵی و شوێنی ڕاگرتنی ناوبراو بڵاونەکراوەتەوە و لە مافی پەیوەندی و چاوپێکەوتن لەگەڵ بنەماڵەکەی بێبەش کراوە.