لە ڕۆژانی ڕابردوودا، دوو خاووڵاتی خەڵکی شاری ئیلام لە لایەن هێزە ئەمنیەکانەوە دەستبەسەر و هێشتا چارەنووسیان دیار نییە.
بە وتەی سەرچاوەکانی هەواڵ، ئەو دوو هاووڵاتییە کە هێشتا ناسناویان بە دەستمان نەگەیشتووە، بە تۆمەتی هاوکاری لەگەڵ وڵاتانی ئەمریکا و ئیسرائیل، هەوڵدان بۆ تێکدانی ئەمنیەتی وڵات، دەستپێکردنی ناڕەزایەتی و هەروەها ناردنی شوێنی پێگە سەربازییەکان بۆ ناوەندە ئەمنیەکانی ئەو وڵاتانە، دەستبەسەر و ڕەوانەی شوێنێکی نادیار کراون. شایانی باسە کە تا کاتی داڕشتنی ئەم هەواڵە سەبارەت بە دۆخی تەندروستیان زانیارییەک لە بەردەستدا نییە و لە مافی پەیوەندی لەگەڵ بنەماڵەکانیان بێبەش کراون.