ڕۆژی پێنجشه‌ممه ٢٢ی جۆزه‌ردان، كۆمه‌ڵێك له ئه‌ندامانی ئه‌نجومه‌نی فه‌رهه‌نگیانی ئوستانی فارس، چاویان به موژگان باقری موعه‌لیمی دڵسۆزی ئه‌و پارێزگایه كه‌وت و خوازیاری ئازادی هه‌موو موعه‌لیمانی زیندانی بوون.
موژگان باقری له موعه‌لیمانی دڵسۆزی ئوستانی فارسه كه به‌هۆی چالاكییه‌كانی به‌رده‌وام له‌لایه‌ن ناوه‌نده ئه‌منی و قه‌زاییه‌كانی ڕژیمه‌وه بانگهێشت و ده‌ستبه‌سه‌ر كراوه. ناوبراو ده‌ور و نه‌خشی كاریگه‌ری بۆ به‌دواداچوونی مافه‌كانی ئه‌و چینه زه‌حمه‌تكێشه دا بووه و پاش ئازادی له‌لایه‌ن هاوكاره‌كانیه‌وه پێشوازی لێكراوه.