كه‌مپه‌ینی به‌رگری له شه‌ریفه محه‌ممه‌دی ڕۆژی چوارشه‌ممه ٣٠ی خه‌زه‌ڵوه‌ر، له ڕاگه‌یاندنێك دا وتی: بڕیاره جه‌له‌سه‌ی دادگاییكردنی ئه‌و چالاكه كرێكارییه له ڕۆژی ٢٩ی سه‌رماوه‌ز به‌ڕێوه بچێت.
له ١٤ی مانگی سه‌رماوه‌زی ١٤٠٢وه شه‌ریفه محه‌ممه‌دی به بیانووی تێكۆشان بۆ ژیانێكی باشتر و ئینسانی تر زیندانی كراوه. ته‌نیا تاوانی ئه‌و چالاكه كرێكارییه، ده ساڵ كار له كۆمیته‌یێكی ئاشكرای كارگری و سه‌ربه‌خۆ له ته‌واوی حیزبه‌كانه. زیندانیكردنی ئه‌و ژنه تێكۆشه‌ره به بیانووی بێ بنه‌ما له حاڵێكدایه كه كۆمیته‌ی هاوئاهه‌نگی بۆ دامه‌زراندنی ڕێكخراوه‌ی سه‌ربه‌خۆی كرێكاری، دامه‌زراوه‌یه‌كی یاسایی، ئاشكرا و سه‌ره‌به‌خۆییه. ئه‌و كۆمیته‌یه له ساڵی ٨٤ی هه‌تاوی به ئیمزای نامه‌ی چوار هه‌زار كارگه‌ر له شاره جۆراوجۆره‌كانی ئێران كه بۆ وه‌زاره‌تی كیشوه‌ر نێردرابوو دامه‌زراوه.