لە سەرەتای کۆنترۆڵكردنەوەی شاری رەققە لە لایەن هێزەکانی سوورییه‌ی دیموکراته‌وه، تا ئێستا لە ١٦ گۆڕی بەکۆمەڵ نزیکەی پێنج هەزار و ٢٠٠ تەرم كه له لایه‌ن داعشه‌وه گیانیان له‌ده‌ستداوه، دۆزراونەتەوە.
ڕۆژی شه‌ممه ٢٢ی مانگی خه‌رمانان، گۆڕێكی به‌كۆمه‌ڵی دیكه له لایه‌ن تیمه‌كانی به‌رگری شارستانی دۆزراوه‌ته‌وه. تیمیه‌كانی بەرگری شارستانی توانیویانە لە رێگەی جلوبەرگ و کەلوپەلەکانەوە ناسنامەی هەزار و ٤٠٠ کەس لە رووفاتەکان دەستنیشانبکەن، بەڵام تا ئێستا چوار گۆڕی دیکەی بەکۆمەڵ ماون کە کاریان لەسەر بکرێت و هەڵبدرێنەوە. شایانی باسه، تا ئێستا ١٦ گۆڕی بە کۆمەڵ لە شاری رەققە دۆزاونەتەوە، ژمارەی قوربانییەکان پێنج هەزار کەسی تێپەڕاندووە. زۆربەی ئەوانەی لەژێر گۆڕە بە کۆمەڵەکانیش دەرهێندراون ژن و منداڵن.