ڕێکخراوی یونیسێف له ڕاپۆرتێكیدا ڕایگەیاندووه، زیاتر لە ١٦ ملیۆن منداڵی خوار تەمەن ٥ ساڵ لە ڕۆژھەڵاتی ناوەڕاست و باکووری ئەفریقا بەدەست خراپی و نەبوونی خۆراکەوە دەناڵێنن و زۆرینەی ئەو منداڵانەش، لە وڵاتانی سوورییه، یەمەن، لیبی و سودانن.
لە بەیاننامەیەکدا، ڕێکخراوی یونیسێف تایبەت بە منداڵان و سەر بە نەتەوە یەکگرتووەکان باس لە خراپی بارودۆخی ژیانی منداڵان دەکات لە ڕۆژھەڵاتی ناوەڕاست و بەتایبەت منداڵانی سوورییه، یەمەن، لیبی و سودان.لە راپۆرتێکیدا ئەو ڕیکخراوەیه ئیدانەی شەڕ و ململانێکانی ئەو ناوچانەی كردووه و ڕایگه‌یاندووه: بە ھۆی شەڕو ململانێکانەوە ژیانی منداڵان تادێت ڕوو لە خراپبوونە و زیاتر لە ١٦ ملیۆن منداڵ لە ڕۆژھەڵاتی ناوەڕاست و ئەفریقا خۆراکی پێویست و تەندروستیان دەست ناکەوێت و نزیکەی ١١ ملیۆن منداڵیش لەو ناوچانە توشی بەدخۆراکی بوون. ھەروەھا زیاتر لە ٧ ملیۆن منداڵیش بەھۆی خراپی جۆری خواردنەکەیانەوە باڵایان گەشەی پێویستی نەکردووە و بونەتە کورتەباڵا.