به‌پێی ڕاپۆرتی ناونده‌كانی مافی مرۆڤ، دوو به‌ندكراوی دووگیان به ناوه‌كانی “ڕزوانه ئه‌حمه‌دخان به‌یگی” و “نه‌سیمه ئیسلام زهی” له دۆخێكی خراپدا ژیان به‌سه‌ر ئه‌به‌ن.
“ڕزوانه ئه‌حمه‌دخان به‌یگی” چالاكێكی مه‌ده‌نیه كه به تۆمه‌تی “هه‌وڵی تێكدانی ئه‌منیه‌تی وڵات” له زیندانی ئێڤین زیندانی كراوه. هه‌روه‌ها “نه‌سیمه ئیسلام زهی” به‌ندكراوی به‌لووچی خه‌ڵكی زهدان مانگی خه‌رمانانی ساڵی ڕابردوو هاوڕێ له‌گه‌ڵ هاوژین و كچه یه‌ك ساڵ ته‌مه‌نه‌كی به تۆمه‌تی “هاوكاری له‌گه‌ڵ گرووپه دژبه‌ره‌كانی نیزام” ده‌ستبه‌سه‌ر و هاوسه‌ره‌كه‌ی بێسه‌روشوێن كراوه و كچه‌كه‌ی ڕاده‌ستی بنه‌ماڵه‌یه‌كی شێعه كراوه. ناوبراو چه‌ند مانگی دیكه منداڵه‌كه‌ی به دونیا دێت و هه‌روه‌ها بیلاته‌كلیف له به‌ندی ژنانی ئێڤین دا ماوه‌ته‌وه.