به‌پێی ڕاپۆرتی كانوونی مافی مرۆڤی ئێران، حامد قه‌ره‌ئۆغڵانی شارومه‌ندی خه‌ڵكی ورمێ كه به ١٣ ساڵ زیندان مه‌حكووم كراوه، له ڕۆژی ٢٤ی به‌فرانباره‌وه مانی له خواردن گرتووه و ئێستا دۆخی ته‌ندرووستی ناجێگیره.
به وته‌ی دایكی ئه‌و به‌ندكراوه سیاسییه، حامد چوار ساڵ و ٧ مانگ له ماوه‌ی به‌ندكرانی تێبه‌ڕ كردووه و كاتێك داوای ئازادی به مه‌رجی كردووه، له‌گه‌ڵ داخوازییه‌كه‌ی دژایه‌تی كراوه. به‌و بۆنه‌وه ده‌ستی داوه‌ته مانگرتن و ئێستا دۆخی ته‌ندرووستی ناجێگیره. دایكی حامد قه‌ره‌ئۆغڵانی له گرته ویدیۆیه‌ك دا داوای له ڕێكخراوه‌كانی مافی مرۆڤ كردووه یارمه‌تی ڕۆڵه‌كه‌ی بده‌ن.