لقی دووی دادگای ڕژیم له شاری سنە، ئازادیی کاتیی چالاکێکی کرێکاری لە زیندانی ناوەندیی ئه‌مشاره‌ی، هه‌ڵوه‌شاندووه.
به پێی ئه‌م ڕاپۆرته، ڕۆژی یەکشەممە ١٤ی ڕەزبەر، بنەماڵەی “کامران ساختمانگەر”، چالاکی کرێکاری، وه‌سێقه‌ی ٥٠٠ ملیۆن تمەنییان بۆ ئازادیی کاتیی ناوبراو دەست خستبوو و دوای سەردانکردنی لقی دووی دادگای ڕژیم، دادوەری دادگا لەگەڵ ئازادیی کاتیی ئه‌م چالاكه كرێكارییه دژایەتیی کرد. جێگه‌ی وه‌بیرهێنانه‌وه‌یه، ڕۆژی پێنجشەممە ١١ی ڕەزبەر، ناوبراو دوای ٢٨ ڕۆژ دەستبەسەری، بە قه‌راری وه‌سێقه‌ی ٥٠٠ ملیۆن تمەنی لە زیندانی ئیدارەی ئیتلاعاتی سنە بۆ زیندانی ناوەندیی ئەم شارە ڕاگوێزرا.