ڕاپۆرته‌كان باس له‌وه ده‌كه‌ن كه بە هۆی ڕاپەڕینی بەندکراوانی زیندانی ناوەندیی شاری مەهاباد و دەستڕێژی هێزە ئەمنییەکان لە بەندکراوان، ٦ بەندکراو گیانیان له‌ده‌ستداوه و برینداربوون.
بەپێی ئه‌م ڕاپۆرته، بەرەبەیانی ڕۆژی یەکشەممە ١٠ی خاکەلێوە، نزیکەی ٣٠٠ بەندکراوی ڕاگیراو لە ٦ بەند لە کۆی ٧ بەندی زیندانی مهاباد بە نیشانەی ناڕەزایەتیی دەربڕین بە نه‌بوونی ئیمكاناتی بێهداشتی و بێبەش بوون لە مافی مرەخەسی و ڕێگری بەرپرسانی زیندان له ئازادی كاتییان، ڕاپەڕین. شایانی باسه، لە ئاکامی ڕاپەڕینی بەندکراوان و شکاندنی ٤ دەرگای بەندیخانە و ئاگردانی بەشێکی زۆر لە کەرەستەکانی ناو ئه‌م زیندانه بەتایبەت لە نهۆمی دووهەم، هێزەکانی سپای پاسداران زیندانیان گەمارۆ داوە و دەستڕێژیان لە بەندکراوانی ناڕازی کردووە. لە ئەنجامی ئەو تێکهەڵچوونەدا بەندکراوێک گیانی لە دەستداوە و پێنج بەندکراوی دیکەش بریندار بوون. ئه‌مه له كاتێكدایه كه هەتا ئێستا هیچ یەک لە بەندکراوە بریندارەکان بە مەبەستی چارەسەریی پزیشکی ڕەوانەی ناوەندە دەرمانییەکان نەکراون.