به پێی ڕاپۆرتی ڕێكخراوی مافی مرۆڤی هەنگاو، هاووڵاتییەکی خەڵکی شاری بۆکان لە لایەن دادگای ڕژیم له شاری ورمێ دادگایی و بە بێ ئەوەی حوکمەکەی پێ ڕابگەیەندرێت، حوکمی دەستبەسەرکرانی دەرچووە و گوازراوەتەوە بۆ زیندان.
بەپێی ئه‌م ڕاپۆرته، ڕۆژی دووشەممە ٣٠ی پووشپەڕ، دانیشتنی دادگای “مەنسوور ئەڵماسی”، تەمەن ٣٨ ساڵ و خەڵکی شاری بۆکان، لە لقی دووی دادگای ڕژیم له شاری ورمێ بەڕێوە چوو. شایانی باسه، ناوبراو دوای دانیشتنی دادگا و بە بێ ئەوەیكه حوکمەکەی پێ ڕابگەیەندرێت حوکمی دەستەبسەر کرانی دەرچووە و گوازراوەتەوە بۆ زیندانی ناوەندیی ورمێ. جێگه‌ی ئاماژه‌یه، “مەنسوور ئەڵماسی” بەفرانباری ساڵی ٩٨ لە لایەن هێزەکانی ئیدارەی ئیتلاعاتی بۆکان دەستبەسەر و دوای دوو مانگ بە دانانی وه‌سیقه و بە شێوەی کاتی هەتا کاتی به‌ڕێوه‌چوونی دانیشتنی دادگاكه‌ی له زیندان ئازاد کرابوو.