به پێی ڕاپۆرتی ناه‌وندی دێمۆكراسی و مافی مرۆڤی كوردستان، هاووڵاتییه‌كی خه‌ڵكی شاری پیرانشار به‌هۆكاری نادیار له لایه‌ن هێزه ئه‌منییه‌كانی ئه‌مشاره ده‌ستبه‌سه‌ر و ڕاپێچی شوێنێكی نادیار كرا.
به پێی ئه‌م ڕاپۆرته، شه‌وی هه‌ینی ٢٦ی مانگی گوڵان، هێزه ئه‌منییه‌كانی پیرانشار هاووڵاتییه‌كی دانیشتووی گوندی”شه‌لیم جاران” سه‌ر به‌م شاره‌یان به ناوی “عه‌باس سه‌دیقی” له گه‌وره‌دێی لاهیجانی شه‌رقی ده‌ستبه‌سه‌ر و ڕاپێچی شوێنێكی نادیار كرد. شایانی باسه، سه‌ره‌ڕای به‌دواداچوونی بنه‌ماڵه‌ی ناوبراو بۆ ناوه‌نده قه‌زایی و ئه‌منییه‌كانی ڕژیم، هه‌تا كاتی داڕشتنی ئه‌م هه‌واڵه، هیچ زانیارییه‌ك له چاره‌نووس و شوێنی ڕاگیرانی له‌به‌ر ده‌ستدا نییه.