به پێی ڕاپۆرته‌كان، هاووڵاتییەکی خەڵکی گوندی “دێوەزناو”ی سه‌ر به سه‌وڵاوا، له لایه‌ن هێزەکانی ئیدارەی ئیتلاعاتی ئه‌مشاره‌وه دەستبەسەر و ڕاپێچی شوێنێکی نادیار كراوە.
بەپێی ئه‌م ڕاپۆرته، ڕۆژی پێنجشەممە ٢٠ی خەرمانان، هێزەکانی ئیدارەی ئیتلاعاتی سەوڵاوا هاووڵاتییەکی خەڵکی گوندی دێوەزناوی ئەو شارەیان بە ناوی “هیوا عەزیزپوور” دەستبەسەر و بۆ شوێنێکی نادیاریان گواستووەتەوە. شایانی باسه، “هیوا عەزیزپوور” بە تۆمەتی “هاوکاری کردن و پەیوەندی لەگەڵ یەکێک لە حیزبە نه‌یاره‌كانی ڕژیم” دەستبەسەر کراوە. ئه‌مه له‌كاتێكدایه كه هەتا کاتی ئامادە کردنی ئەم هەواڵە شوێنی ڕاگیرانی ناوبراو نادیارە و بەدواداچوونی بەردەوامی بنەماڵەکەی لەم پێوه‌نده‌دا هه‌روا بێ ئاکام ماوەتەوە.