به پێی ڕاپۆرتی ڕێكخراوی مافی مرۆڤی هەنگاو، لە درێژەی شەپۆلی دەستبەسەرکردنەکانی ئەم دواییانەی شاری بانە، سێ هاووڵاتیی دیکە کە دوانیان بران، دەستبەسەر کراون.
بە پێی ئه‌م ڕاپۆرته، سێ هاووڵاتیی دانیشتووی گوندی ” بلەسەن”ی بانە بە ناوەکانی ” بێستوون ئەحمەدپوور”، ” فەرهاد ئەحمەد پوور” و ” زانا ئەحمەدپوور” کە ئامۆزای ئەو دوو کەسەیە، لە لایەن هێزەکانی ئیدارەی ئیتلاعاتی بانەوە دەستبەرسەر کراون. شایانی باسه، ئەم سێ هاووڵاتییە بە تۆمەتی “هاوکاری لە گەڵ یەکێک لە حیزبه نه‌یاره‌كانی ڕژیم” دەستبەسەر کراون. ئه‌مه له كاتێكدایه كه هەتا کاتی ئامادە کردنی ئەم هەواڵە هیج زانیارییەک سەبارەت بە چارەنووس و شوێنی راگرتنی ئەم دەستبەسەرکراوانە لە بەردەستدا نییە.