ڕاپۆرته‌كان له شاری بۆكان باس له‌وه ده‌كه‌ن كه به‌ڕێوه‌به‌ری كاناڵێكی تێلێگرامی ئه‌مشاره، لە لایەن هێزە ئەمنییەکانەوە دەستبەسەر و ڕاپێچی شوێنێکی نادیار كراوه.
بەپێی ئه‌م ڕاپۆرته، ڕۆژی یەکشەممە ١٨ی جۆزەردان هێزەکانی ئیدارەی ئیلاعاتی شاری بۆکان هەڵیانکوتاوەتە سەر ماڵی “جەعفەر ئەوسافی” تەمەن ٣٠ ساڵ و به تاوانی “ئه‌نجام دانی پرسیاری عه‌قیده‌تی” ناوبراویان دەستبەسەر کردووە. شایانی باسه، “جەعفەر ئەوسافی” دوای دەستبەسەر کرانی بۆ شوێنیکی نادیار گوازراوەتەوە و هەوڵەکانی بنەماڵەکەی بۆ ئاگادار بوون لە دۆخی ناوبراو بێ ئاکام ماوەتەوە.