“سیامه‌ك مۆقیمی” یه‌كێك له ده‌ستبه‌سه‌ر كراوانی ناڕه‌زایه‌تییه‌كانی مانگی خه‌زه‌ڵوه‌ری ئه‌مساڵ كه ئێستا له زیندانی گه‌وره‌ی شاری تارانی به‌ندكراوه، به ئێعدام مه‌حكووم كرا.
به وته‌ی بنه‌ماڵه‌ی سیامه‌ك مۆقیمی ٢٥ ساڵ ته‌مه‌ن، سه‌ره‌تا به ناوبراو ڕاگه‌یندرابوو كه به “كۆبوونه‌وه و ته‌بانی، چالاكی ته‌بلیغی له دژی نیزام و سووكایه‌تی به خامنه‌یی و ڕوحانی” تومه‌تبار كراوه. به‌ڵام دوای ماوه‌یه‌ك به تاوانی مۆحاربه حوكمی ئیعدامی به‌سه‌ردا سه‌پا. شایانی باسه، ناوبراو له ناڕه‌زایه‌تییه‌كانی مانگی خه‌زه‌ڵوه‌ر له ئاست گران بوونی بنزین له لایه‌ن هێزه ئه‌منییه‌كانه‌وه ده‌ستبه‌سه‌ر كرا بووه.