ڕۆژی هه‌ینی ٢٩ی خاكه‌لێوه‌ی ١٤٠٤، كرێكارانی كوره‌خانه‌كانی سارۆقامیشی بۆكان، دیسان دژ به پێنه‌دانی حه‌قده‌سته دواخراوه‌كان و خراپی دۆخی مه‌عیشه‌تی ناڕه‌زایه‌تییان ده‌ربڕی.
كرێكارانی ناڕازی ئاماژه‌یان به‌وه كرد كه به‌رپرسانی كوره‌خانه‌كان به پێچه‌وانه‌ی ئه‌و بڕه حه‌قده‌سته كه له سه‌ری ڕیكه‌وتبوون، پاره‌یه‌كی كه‌متریان پێ داون و هه‌روه‌ها دۆخی مه‌عیشه‌تی و شوێنی كاری كرێكاران له دۆخێكی زۆر خراپدایه، ئه‌مه‌ش بووه به هۆی ناڕه‌زایه‌تی و تووڕه‌یی كرێكارانی ئه‌و به‌شه. ناڕازیان ئاماژه‌یان به‌وه كرد كه تا كاتی وه‌دیهاتنی داخوازییه‌كانیان به‌رده‌وام ئه‌بن له ناڕه‌زایه‌تی و مانگرتن.