ڕۆژی چوارشه‌ممه ٥ی خه‌رمانان، “په‌یمان نادریان” ته‌مه‌ن ٢٢ ساڵ و خه‌ڵكی گوندی “دره‌ناخه”ی مه‌ریوان، له لایه‌ن هێزه‌كانی ئێداره‌ی ئێتڵاعاتی ئه‌و شاره‌وه ده‌ستبه‌سه‌ر كرا.
به وته‌ی سه‌رچاوه‌كانی هه‌واڵ، ئه‌و هاووڵاتییه به هێرشی هێزه ئه‌منیه‌كانی ڕژیمی كۆماری ئیسلامی بۆ سه‌ر ماڵه‌كه‌ی، به توندوتیژیه‌وه و به بێ به‌لگه‌ی قه‌زایی ده‌ستبه‌سه‌ر و پاشان بۆ شوێنێكی نادیار ڕاگوێزراوه. شایانی باسه، سه‌ره‌ڕای به‌دواداچوونی بنه‌ماڵه‌كه‌ی سەبارەت بە شوێنی ڕاگرتنی و دۆخیژیانی، تا كاتی داڕێشتنی ئه‌م هه‌واڵه هیچزانیارییه‌ك له به‌رده‌ستدا نییه.