ڕۆژی یەکشەممە، ٢١ی جۆزەردان، دكتۆر “پێدرام موعینی” خوێندکاری دکتۆرای کۆمەڵناسیی سیاسیی زانکۆی زانست و لێکۆڵینەوەکانی تاران، لە شاری بانە لەلایەن هێزە ئەمنییەتییەکانەوە دەستبەسەر و بۆ شوێنێکی نادیار ڕاگوێزرا.
به‌وته‌ی بنه‌ماڵه‌ی “پێدرام موعینی”، هێزە ئەمنییەتییەکان بە بێ بەڵگەی یاسایی هێرشیان کردووەتە سەر شوێنی کاره‌كه‌ی لە شاری بانە و وێڕای دەستبەسەركردنی ناوبراو، هه‌ندێك له كه‌لووپه‌له‌‌كانیان له‌گه‌ڵ خۆیان بردووه و به‌دواداچوونی بنه‌ماڵه تا ئه‌م كاته بێ ئاكام ماوه‌ته‌وه. شایانی باسه كه “پێدرام موعینی”، ڕۆژی ٢ی ڕەزبەری ١٤٠١، لە ڕەوتی بزووتنەوەی “ژن، ژیان، ئازادی” لە تاران، لەلایەن هێزە ئەمنییەتییەکانەوە دەستبەسەر و بۆ بەندی ٢٠٩ی زیندانی ئێڤین ڕاگوێزرابوو. ناوبراو لەلایەن دادسەرای ئێڤینەوە بە “هەوڵدان دژی ئاسایشی نەتەوەیی وڵات”، “ته‌بلیغ دژی نیزام” و ” بەشداری لە ناڕەزایەتییەکان” تۆمەتبار کرابوو.