ڕۆژی دووشه‌ممه ١١ی خاكه‌لێوه، كه‌شاوه‌رزێكی به‌لووچی خه‌ڵكی گوندی هووشه‌نگی سه‌ر به ناوچه‌ی كیشكووری شارستانی سه‌رباز به ناوی حه‌لیم ڕه‌ئیسی له‌لایه‌ن هێزه‌كانی حكوومه‌ته‌وه ده‌ستبه‌سه‌ر كرا.
به‌پێی ڕاپۆرتی كه‌مپه‌ینی چالاكانی به‌لووچ، هێزه‌كانی ئیداره‌ی ئیتلاعات به شێوه‌یه‌كی وه‌حشیانه هێرشیان كردووه‌ته سه‌ر كه‌شاوه‌رزانی گوندی هووشه‌نگ و سێ جووتیاریان له كاتی كاركردن دا كه‌له‌بچه كردووه. به وته‌ی چالاكانی مه‌ده‌نی به‌لووچ، هێزه‌كانی ڕژیم وێڕای ئه‌شكه‌نجه و ئازاری ئه‌و سێ شارومه‌نده یه‌كێكیان به ناوی حه‌لیم ڕه‌ئیسی ده‌ستبه‌سه‌ر و بۆ شوێنێكی نادیار گواستووه‌ته‌وه.