بەڕێوەبەرایەتی ئاسایشی پارێزگای سلێمانی ڕۆژی دووشه‌ممه ٢٤ی مانگی گه‌لاوێژ ڕایگه‌یاند: هێزەکانیان لەسەر فەرمانی دادوەر لەناو بازاڕی سلێمانی هەستان بە ده‌ستبه‌سه‌ركردنی دوو تیرۆریست و لەکاتی ڕووبەڕووبوونەوە لەگەڵ تیرۆریستەکان هاوڵاتییەک گیانی له‌ده‌ستدا.
پاشنیوەڕۆی دووشه‌ممه هێزه‌كانی ئاسایشی سلێمانی لەسەر فەرمانی دادوەر لەناوبازاڕی شاری سلێمانی هەستان بەدەستگیرکردنی دوو تیرۆریست، لەکاتی دەستگیرکردنیاندا تیرۆریستەکان هەوڵیاندا خۆ ده‌ربازبكه‌ن، بەڵام هێزەکانی ئاسایش گه‌مارۆیان داون و ده‌ستبه‌سه‌ریان كردوون. به‌وته‌ی به‌رپرسانی ئاسایشی سلێمانی، لەکاتی ڕووبەڕووبوونەوە لەگەڵ تیرۆریستەکان، لاوێكی ته‌مه‌ن ٢٢ ساڵ به‌داخه‌وه گیانی له‌ده‌ستدا.