بەپێی دوایین زانیارییەکان، بۆ ماوەی سێ ڕۆژە دارستانەکانی ناوچە جیاوازەکانی شارستانی پاوە هێشتا بەردەوامە و ناوەندە پەیوەندیدارەکانی کۆماری ئیسلامی هەوڵی کۆنترۆڵ کردنی ئاگرەکە نادەن.
بەپێی ئەو وێنانەی کە بە دەستمان گەیشتوون، ناوچە پارێزراوەکانی “بۆزین، مەرەخێڵ و تەرگاران“، بۆ ماوەی سێ ڕۆژە لە ئاگردا دەسوتێن و سەرەڕای هەوڵی ژینگەپارێزان و خەڵکی ناوچەکە، هێشتا ئاگرەکە کۆنترۆڵ نەکراوە. لە هەمان کاتدا بەرپرسی ئیدارەی پاراستنی ژینگەی شاری پاوە لە لێدوانێکدا ڕایگەیاندووە کە بە هۆی هاتنی با، پۆششی گیایی و سەختی ڕێگاکان، هێشتا نەیانتوانیوە ئاگرەکە کۆنترۆڵ بکەن و ئەمەش بووەتە هۆی بەرزبوونەوەی ڕێژەی زیانەکان.