كۆمه‌ڵێك له كرێكارانی ده‌ركراوی شاره‌درایی مه‌نته‌قه ٢ی ئه‌هواز، ڕۆژی یه‌كشه‌ممه ١٣ی ڕه‌ز‌به‌ر بۆ جارێكی دیكه له‌ئاست ده‌ركرانیان و په‌رداخت نه‌كرانی حه‌قده‌ست و مه‌زایاكانیان، له به‌رامبه‌ر بینای ئه‌م شاره‌دارییه ده‌ستیاندایه كۆبوونه‌وه.
به‌وته‌ی ناڕازییان، به‌هۆی كه‌مته‌رخه‌می به‌رپرسانی ئۆستانی و به‌ڕێوه‌به‌رایه‌تی شاریی له‌ئاست خواسته‌كانیان، له ڕۆژی چوارشه‌ممه‌ی ڕابردووه‌وه هه‌تا ئێستا له به‌رامبه‌ر ناوه‌نده جۆراوجۆره‌كانی ده‌وڵه‌تی كۆبوونه‌وه‌ی ناڕه‌زایه‌تییان به‌ڕێوه‌بردووه و خوازیاری گه‌ڕانه‌وه‌یان بۆ سه‌ر كار و په‌رداخت سه‌رجه‌م مۆتاڵباته‌كانیان بوون. ده‌شڵێن: تا كاتێك كه سه‌رجه‌م خواسته‌كانیان دابین نه‌كرێ ده‌ست له كۆبوونه‌وه و ده‌ربڕینی ناڕه‌زایه‌تیی هه‌ڵناگرن.