كۆمه‌ڵێك له كرێكارانی شاره‌داریی خۆڕه‌مشار، ڕۆژی یه‌كشه‌ممه ٦ی ڕه‌زبه‌ر، بۆ دووهه‌مین ڕۆژی به‌رده‌وام له ناڕه‌زایه‌تیی به په‌رداخت نه‌كرانی حه‌قده‌ست و مه‌زایاكانیان و هه‌روه‌ها واده وبه‌ڵێنی بێ بنه‌مای كاربه‌ده‌ستان، له به‌رامبه‌ر فه‌رمانداریی ئه‌مشاره ده‌ستیاندایه كۆبوونه‌وه.
كرێكارانی ناڕازیی خۆڕه‌مشار له ڕۆژی شه‌ممه‌وه به‌مه‌به‌ستی گه‌یاندنی ده‌نگی ئێعتڕازیان نیسبه‌ت به دواخرانی بڕی ٤ مانگ حه‌قده‌ست و هه‌روه‌ها ٦ مانگ حه‌قی بیمه‌یان، ده‌ستیان له‌كار كێشاوه‌ته‌وه و له به‌رامبه‌ر فه‌رمانداریی ئه‌مشاره له ئۆستانی خوزستان كۆبوونه‌وه‌ی ناڕه‌زایه‌تییان به‌ڕێوه‌بردووه. به‌وته‌ی ناڕازییان، زۆربه‌ی كرێكارانی شاره‌داریی بۆ دابین كردنی هه‌زینه‌كانی ژیانیان له‌گه‌ڵ كێشه‌ی جێدی به‌ره‌وڕوو بوونه‌ته‌وه و سێ مانگه هیچ حه‌قده‌ستێكیان پێ نه‌دراوه.