ڕاپۆرته‌كان باس له‌وه ده‌كه‌ن كه مانگرتنی كرێكارانی ڕێگای ئاسن له شاره جۆراوجۆره‌كانی ئێران، ڕۆژی پێنجشه‌ممه ٢٠ی خه‌رمانان له ناڕه‌زایه‌تیی به په‌رداخت نه‌كرانی حه‌قده‌ست و مه‌زایاكانیان، هه‌روا به‌رده‌وام بوو.
به پێی ئه‌م ڕاپۆرته، له یه‌ك حه‌فته له‌مه‌وبه‌ره‌وه هه‌تا ئێستا كرێكارانی به‌شی فه‌ننی ڕێگای ئاسن له شاره‌كانی زاگرۆس، لۆرستان، ئه‌راك، كه‌ره‌ج و زاهێدان، به شێوه‌ی جیاجیا و به كۆبوونه‌وه له شوێنی كاره‌كانیان، خوازیاری په‌رداختی سه‌رجه‌م حه‌قده‌ست و مه‌زایا دواخراوه‌كانیان بوون. ئه‌م كرێكارانه له‌ئاست، كاری تاقه‌ت پڕووكێن، له‌خواره‌وه‌بوونی ئاستی حه‌قده‌سته‌كانیان، دواخرانی بڕی چه‌ندین مانگ له حه‌قده‌ست و مه‌زایاكانیان، نه‌بوونی بیمه‌ی ده‌رمانی، نه‌بوونی ڕۆژانی ته‌عتیلی، سووكایه‌تی كردن به كرێكاران، نه‌بوونی ئیمكاناتی بێهداشتی له شوێنی كار، نه‌بوونی ئه‌منییه‌تی كاری و ده‌ركرانی سه‌ره‌ڕۆیانه‌ی كرێكاران، ناڕازیین.