به پێی ڕاپۆرته بڵاوكراوه‌كان، كۆمه‌ڵێك له كرێكارانی شاره‌داریی ئابژدان له ناڕه‌زایه‌تیی به په‌رداخت نه‌كردنی حه‌قده‌سته دواخراوه‌كانیان له ماوه‌ی چه‌ند ڕۆژی ڕابردوودا ده‌ستیان له كار كێشاوه‌ته‌وه.
ئه‌م كرێكارانه كه بڕی ١٠ مانگ حه‌قده‌ستی دواخراویان هه‌یه، له مانگی سه‌رماوه‌زی ساڵی ٩٧وه تا ئێستا چه‌ندنی جاره مانیان گرتوو و ناڕه‌زایه‌تیی خۆیان سه‌باره‌ت به ئه‌م بارودۆخه ڕایانگه‌یاندووه، به‌ڵام له‌م نێوانه‌دا به‌رپرسان ته‌نیا به په‌رداخت كردنی بڕی ٢ مانگ له حه‌قده‌سته دواخراوه‌كانیان ده‌یانویست كه كرێكاران بگه‌ڕێنه‌وه بۆ سه‌ر كاره‌كانیان. شایانی باسه، كرێكاران ڕایانگه‌یاندووه، تا گه‌یشتن به داخوازییه‌كانیان ناگه‌ڕێنه‌وه سه‌ر كاره‌كانیان.