ڕۆژی سێشه‌ممه ١٥مانگی ڕه‌زبه‌ر، كۆبوونه‌وه و مانگرتنی شۆفیر ماشین كرێییه‌كانی شیركه‌تی نه‌وت وگازی گه‌چساران، له ناڕه‌زایه‌تی به سه‌رنج نه‌دانی كاربه‌دستان به خواسته‌كانیان، بۆ شانزده‌هه‌مین ڕۆژی به‌رده‌وام هه‌روا درێژه‌ی هه‌یه.
به پێی ڕاپۆرته‌كان، شۆفیرانی ناڕازیی له ئاست له خواره‌وه بوونی حه‌قده‌ست و مه‌زایاكانیان ناڕه‌زایه‌تیان ده‌ربڕیوه و ده‌شڵێن: له ٤مانگ له‌مه‌وبه‌ره‌وه تا ئێستا هه‌ر به حقووقی ساڵی ڕابردوویان و به بێ قه‌رارداد كار ده‌كه‌ن. جێگه‌ی ئاماژه‌یه، شوفیرانی ناڕازیی ڕایانگه‌یاندووه كه تا سه‌رجه‌م به ته‌واویی خواسته‌كانیان نه‌گه‌ن ده‌ست له كۆبوونه‌وه و مانگرتن هه‌ڵناگرن.