كۆمه‌ڵێك له دووكاندارانی پاساژه‌كانی قۆروه ڕۆژی شه‌ممه ٣٠ی خاكه‌لێوه، به‌دوای چه‌ندین جار كۆبوونه‌وه له به‌رامبه‌ر فه‌رمانداریی ئه‌مشاره، بۆ جارێكی دیكه له ناڕه‌زایه‌تیی به بیلاته‌كلیفی گوزه‌رانیان به‌هۆی ته‌عتیلی بازاڕ و پشتیوانی نه‌كرانیان له لایه‌ن ده‌وڵه‌ت، له به‌رامبه‌ر نووسینگه‌ی “ئیمام جومعه‌ی” قۆروه كۆبوونه‌وه.
ناڕازییان له‌م كۆبوونه‌وه‌یه‌دا ڕایانگه‌یاندووه، ده‌وڵه‌ت هیچ ڕێكارێكی بۆ پشتیوانی له بازاڕییان دیاری نه‌كردووه و سه‌رجه‌م ئه‌و حاڵه‌تانه‌ی كه باس ده‌كرێن بۆ بازاڕییان نه‌ناسراوه، چونكه هه‌تا ئێستا هیچ یارمه‌تییه‌كی مادی و مه‌عنه‌وه‌ی كه بۆ توێژی زیان به‌ركه‌وتوو له‌به‌ر چاو گیراوه، به‌ده‌ستیان نه‌گه‌یشتووه.