كۆمه‌ڵێك له خانه‌نشین كراوانی تاران ڕۆژی چوارشه‌ممه ١٧ی ڕه‌زبه‌ر بۆ جارێكی دیكه له ناڕه‌زایه‌تیی به په‌رداخت نه‌كردنی حقووقه دواخراوه‌كانیان، له به‌رامبه‌ر سازمانی به‌رنامه و بوودجه كۆبوونه‌وه.
به پێی ئه‌م ڕاپۆرته، ناڕازییان له‌ڕێگه‌ی به‌ده‌سته‌وه گرتنی چه‌ندین پلاكارد و وتنه‌وه‌ی درووشمی ناڕه‌زایه‌تیی وه‌ك “تا كاتێك كه مافی خۆمان وه‌رنه‌گرین، ده‌ست له كۆبوونه‌وه هه‌ڵناگرین” و “گوزه‌ران و ده‌رمان، گرانی و ئاوسان”، خوازیاری وه‌ڵام دانه‌وه‌ی سه‌رۆكی سندوقی خانه‌نشینی به دواكارییه‌كانیان بوون. شایانی باسه، ناڕه‌زایه‌تیی خانه‌نشین كراوان له كۆتایی ساڵی ٩٧وه په‌ره‌یسه‌ندووه و هه‌تا ئێستا خانه‌نشین كراوان چه‌ندین كۆبوونه‌وه‌یان له به‌رامبه‌ر ناوه‌نده پێوه‌ندیداره‌كانی به‌ڕێوه‌بردووه، به‌ڵام هه‌تا ئێستا وه‌ڵامێكی ئۆتۆیان پێ نه‌دراوه‌ته‌وه و ئێعتراز و كۆبوونه‌وه‌ی ئه‌م توێژه له كۆمه‌ڵگا هه‌روا درێژه‌ی هه‌یه.