شنبه – 8 تیر – ۱۳۹۸ , 29 – 06 – 2019
به‌یانی ڕۆژی شه‌ممه ٨ی مانگی پووشپه‌ڕ، بۆ ٤مین ڕۆژی به‌رده‌وام كرێكارانی فه‌زای سه‌وزی شاره‌داریی شاهین شار له ناڕه‌زایه‌تی به نه‌درانی حه‌قده‌سته دواخراوه‌كانیان ده‌ستیان له كار كێشایه‌وه و مانیان گرت.
كرێكارانی ناڕازی به كۆبوونه‌وه له به‌رامبه‌ر فه‌رمانداریی ڕژیم له‌مشاره، خوازیاری وه‌رگرتنی سه‌رجه‌م خواسته‌كانیان بوون و له ئاست بایه‌خ نه‌دانی كاربه‌ده‌ستان به داخوازییه‌كانیان ناڕه‌زایه‌تییان ده‌ربڕی. شایانی باسه بنه‌ماڵه‌ی كرێكارانیش له‌و كۆبوونه‌وه‌یه‌دا به وتنه‌وه‌ی چه‌ندین درووشم پشتیوانی خویان له خواستی كرێكاران ده‌ربڕیوه. پێویست بگوترێ كرێكارانی فه‌زای سه‌وز له شاره‌كانی وه‌ك “شادگان، ئه‌هواز، كووت عه‌بدوڵڵا، خوڕه‌م ئاباد و دزفوول، چه‌ندین جار له ناڕه‌زایه‌تی به نه‌درانی حه‌قده‌سته‌كانیان كۆبوونه‌ته‌وه و مانیان گرتووه، به‌ڵام هه‌تا ئێستا به خواسته‌كانیان نه‌گه‌یشتوون.