كرێكارانی فه‌زای سه‌وزی مه‌نته‌قه دووی شاره‌داریی خۆڕه‌م ئاباد، ڕۆژی پێنجشه‌ممه ٦ی خه‌رمانان، به مه‌به‌ستی گه‌یاندنی ده‌نگی ناڕه‌زایه‌تیی خۆیان له‌ئاست په‌رداخت نه‌كرانی حه‌قده‌ست و مه‌زایاكانیان و هه‌روه‌ها واده و به‌ڵێنی بێ بنه‌مای به‌پرسان، له به‌رامبه‌ر بینای ئه‌م ناوه‌نده ده‌وڵه‌تییه ده‌ستیاندایه كۆبوونه‌وه.
به‌وته‌ی ناڕازییان كه ژماره‌یان زیاتر له ٤٠ كه‌س ده‌بێ، ڕۆژی چوارشه‌ممه له ناڕه‌زایه‌تیی به په‌رداخت نه‌كرانی بڕی چه‌ندین مانگ حه‌قده‌ست و مه‌زایای دواخراویان له به‌رامبه‌ر ئه‌م شاره‌دارییه ده‌ستیاندابووه كۆبوونه‌وه، به‌ڵام هه‌تا ئێستا به‌رپرسان به‌ده‌م خواسته‌كانیانه‌وه نه‌هاتوون. ده‌شڵێن: په‌یمانكاری پێشووتر بڕی ٨ مانگ له حه‌قده‌سته‌كانیان كه پێوه‌ندی به ساڵه‌كانی ٩٦ و ٩٧ و هه‌روه‌ها ٥ مانگی سه‌ره‌تای ئه‌مساڵی پێ نه‌داون و ئه‌مه‌ش كێشه‌وگرفتێكی زۆری له بواری دابین كردنی بژێوی ژیانیان پێكهێناوه.