به پێی ڕاپۆرته‌كان، سپا و پۆلیسی یۆنان بە چڕی لەسەر سنووری تورکیه بڵاوەیان پێکراوە و سوورن لەسەر ئەوەی رێگە نەدەن هیچ کۆچبەرێک بگاتە خاکی وڵاتەکەیان.
بەپێی ئامارەکان لە ماوه‌ی شەش رۆژی رابردوودا کە تورکیه سنوورەکانی بە رووی کۆچبەراندا کردووەتەوە، ٢١٦ کۆچبەر گەیشتوونەتە کەناراوەکانی یۆنان و لەلایەن پۆلیسەوە دەستگیرکراون. جێگه‌ی ئاماژه‌یه، هێزه‌كانی پۆلیس به مه‌به‌ستی بڵاوه پێكردنی كۆچبه‌ران له سه‌ر سنووره‌كان، گازی فرمیسك ڕێژیان به‌كار هێناوه و ته‌قه‌یان لێ ده‌كه‌ن. شایانی باسه، وڵاتی یۆنان سوورە لە سەر داخستن و کۆنترۆڵ کردنی سنوورەکانی و سپا و پۆلیسی یۆنان رێوشوێنی تووندیان گرتووەتە بەر.