ڕۆژی شه‌ممه ٢٠ی مانگی ڕه‌زبه‌ر جارێكی دیكه ژماره‌یه‌كی به‌رچاو له هاووڵاتییانی شاری دیاربه‌كر دژی هێرشه‌كانی توركییه بۆ سه‌ر كوردستانی سورییه هاتنه‌سه‌ر شه‌قامه‌كان و خۆپیشاندانیان كرد.
له ئه‌نجامی ئه‌م كۆبوونه‌وه لانیكه‌م ٥ كه‌س له ناڕازییان له لایه‌ن پولیسی توركییه ده‌ستبه‌سه‌ر كران. به وته‌ی شایه‌ت حاڵان، پولیس سه‌ره‌تا به مه‌به‌ستی بڵاوه‌پێكردنی ناڕازییان ماشینی ئاوپاشی به كارهێنا و پاشان هێرشی كرده‌سه‌ر خۆپیشانده‌ران و ژماره‌یه‌كی ده‌ستبه‌سه‌ر كرد. شایانی باسه له ده‌ستپێكی هێرشی توركییه بۆ سه‌ر ناوچه كورد نشینه‌كانی سورییه هاوكات له‌گه‌ڵ ناڕه‌زایه‌تیی دژ به ئه‌م جه‌نایه‌ته ته‌نیا له شاری دیاربه‌كر ٢١ كه‌س ده‌ستبه‌سه‌ر كراوه.