سه‌ره‌ڕای هه‌ڕه‌شه‌ی پۆلیس بۆ كه‌ڵك وه‌رگرتن له چه‌كی گه‌رم ڕۆژی یه‌كشه‌ممه ٢٧ی مانگی ڕه‌زبه‌ر، ده‌یان هه‌زار كه‌س له ناڕازییان له بێلاروس دژ به “لۆكاشێنكۆ” سه‌رۆك كۆماری ئه‌م وڵاته هاتنه سه‌ر شه‌قامه‌كان و ده‌ستیاندایه خۆپیشاندان.
به پێی ڕاپۆرته‌كان، خۆپیشاندران به وتنه‌وه‌ی دروشمی “بژی بێلاروس” و “لۆكاشێنكۆ ده‌بێ سزا بدرێ” ده‌ستیاندایه خۆپیشاندان. ناڕازییان به پێچه‌وانه‌ی خۆپیشاندانی یه‌كشه‌ممه‌كانی ڕابردوو، ئه‌م جاره‌یان له ناوه‌ندی شاره‌وه تێپه‌ر نه‌بوون، به‌ڵكوو به‌ره‌و گه‌وره ڕێگای سه‌ره‌كیی له باكووری شاریی “مینسك” كه كۆمه‌ڵێكی كارخانه به ده‌وره‌وه‌یه، وه‌ڕێكه‌وتن. شایان باسه، له جه‌ریانی ئه‌م خۆپیشاندانه‌دا هێزه ئه‌منییه‌كان به سیمی خاردار و كه‌رسته‌ی قورس ناوه‌ندی شارییان به‌ست و له ماشێنی ئاوپاش بۆ بڵاوه‌پێكردنی خۆپیشاندران كه‌ڵكیان وه‌رگرت. جێگه‌ی ئاماژه‌یه، له‌م خۆپیشاندانه‌دا زیاتر له سه‌د كه‌س ده‌ستبه‌سه‌ر كراون.