له دوو ڕۆژی ڕابردوودا، خه‌ڵكی ئازادیخواز له ناوچه‌كانی كانی دینار، نگڵ، ماراو، به‌دره، سه‌راب ئه‌یوان، گه‌ڕووس و بزوه‌ش، ئاگری نه‌ورۆزیان داگیرساندووه و له‌گه‌ڵ مۆسیقا ئاهه‌نگیان گێڕاوه.
به‌پێی ئه‌و وێنانه‌ی به ده‌ستمان گه‌یشتووه، ژنان و پیاوانی ئازادیخواز و به‌رابه‌ری ته‌ڵه‌ب له ئاوایه‌كانی ماراو و بزوه‌شی سه‌ر به شاری كامیاران، كانی دینار و نگڵی سه‌ر به شاری مه‌ریوان، ناوچه‌ی گه‌ڕووسی سه‌ر به شارستانی بیجاڕ و شاره‌كانی به‌دره و ئه‌یوان له پارێزگای ئیلام، به جل و به‌رگی ڕه‌نگاوڕه‌نگی كوردی به‌یاخی سووریان به‌ده‌سته‌وه گرتووه و به‌ده‌ور ئاگری سه‌ركوتن دا دروشمی “ژن،ژیان،ئازادی“یان وتووه‌ته‌وه.