لە درێژەی هێرشەکانی ئیسرائیل بۆ سەر بنکە و بارەگاکانی حیزبوڵڵا، هەزاران کەس لە دانیشتوانی باشوری لوبنان ئاوارە و سەدان کەسیش کوژران و بریندار بوون.
بەپێی ڕاگەیاندنی وەزارەتی تەندروستی لوبنان: لە ئاکامی هێرشەکانی ئیسرائیل بۆ سەر ئه وڵاته 492 کەس کوژران و 1645 کەسی دیكه بریندار بوون. هاوکات لەگەڵ دەسپێکی بوردومانەکانی ئیسرائیل، هەزاران کەس لە دانیشتوانی باشووری لوبنان ماڵەکانیان بەجێهێشتووه و ئاوارە بوون. هەروا سوپای ئیسرائیل ڕایگەیاند: 1300 ئامانجی حزبوڵڵای لوبنانی بۆردومان کردووە و لە ناویان سەکۆی هەڵدانی مووشەکی قورس بووە.