کۆمەڵە_رێكخراوی كوردستانی حیزبی كۆمونیستی ئیران
ئێران

درێژه‌ی ناڕه‌زایه‌تییه‌كان له‌ شاره‌ جۆراوجۆره‌كانی ئێران

شه‌وی دووشه‌ممه‌ ٤ی مانگی ڕه‌زبه‌ر، شاره‌كانی سنه‌، مه‌ریوان،قوروه‌، شنۆ، سه‌رده‌شت، شیراز، بورازجان، ته‌ورێز، یه‌زد، تاران، گه‌وهه‌رده‌شت و بابوله‌سه‌ر گۆڕه‌پانی خۆپێشاندان دژبه‌ كۆماری ئیسلامی بوو.

به‌پێی ڕاپۆرته‌كان، كچانی شاری سنه‌ بوێرانه‌ له‌ شه‌قامی شه‌شه‌می به‌همه‌ن له‌چكیان له‌سه‌ر لادا و له‌ ناوه‌ندی شه‌قامه‌كه‌ دژبه‌ به‌رپرسانی ڕژیم دروشیان وته‌وه‌، له‌ چه‌ند گه‌ڕه‌كی ئه‌و شاره‌ش له‌وانه‌ به‌هاران ناڕه‌زایه‌تییه‌كان ده‌ستیپێكرد و لاوانی شۆڕشگێڕ له‌گه‌ڵ هێزه‌كانی ڕژیم تێكهه‌ڵچوون، له‌ شاری شنۆ خه‌ڵكی ئه‌و شاره‌ بۆ جارێكی دیكه‌ ڕژانه سه‌ر شه‌قام و له‌گه‌ڵ هێزه‌كانی ڕژیم به‌ شه‌ڕ هاتن، له‌ شاری قوروه‌ش خه‌ڵكی دلێری ئه‌و شاره‌ بۆ جارێكی تر ڕژانه سه‌ر شه‌قام و ڕێپێوانێكی ناڕه‌زایه‌تییان به‌ دروشمیمه‌رگ بۆ دیكتاتۆربه‌رێوه‌ برد، هه‌روه‌ها شاری مه‌ریوان ناڕازییان بوێرانه‌ له‌گه‌ڵ هێزه‌ سه‌ركوتگه‌ره‌كانی ڕژیم ڕووبه‌ڕوو بوونه‌وه‌ و له‌شاری سه‌رده‌شت لاوانی ئازای ئه‌و شاره‌ له‌گه‌ڵ هێزه‌كانی ڕژیم تێكهه‌ڵچوون و چه‌ند كه‌س برینداربوون، له‌ كۆمه‌ڵێك له‌ گه‌ڕه‌كانی تاران و گه‌وهه‌رده‌شت شه‌ڕ و پێكدادان له‌ نێوان ناڕازیان و هێزه‌كانی ڕژیم هاته‌ ئاراوه‌، له‌ شاری یه‌زد خۆپێشانده‌ران ڕژانه سه‌ر شه‌قام و دژبه‌ كۆمار ئیسلامی دروشمیان وته‌وه‌، له‌ شاری بورازجان، لاوانی بوێری ئه‌و شاره‌ له‌گه‌ڵ هێزه‌كانی ڕژیم به‌شه‌ڕ هاتن و له‌ شاری ته‌ورێز هێزه‌كانی ڕژیمیان ناچار به‌ پاشه‌كشه‌ كرد، له‌ شاری ئه‌راك و دزفول و ئه‌ندیمشك خۆپێشاندان ده‌ستیپێكرد وناڕازیان شه‌قامه‌كانیان داخست.

بابەتی پەیوەندیدار

ڕێزگرتن له‌ یادی گیانبه‌ختكردووی گوردانی شوان له‌ گوندی “میانه‌”ی كه‌ڵاته‌رزان

-

ئیدامه‌ی مه‌راسمه‌كانی نه‌ورۆز له‌ شاره‌كانی كوردستان

-

ده‌ستبه‌سه‌ركرانی دوو هاووڵاتی دیكه‌ له‌ شاری شنۆ

-

سازكردنی په‌روه‌نده‌ی تازه‌ بۆ “پوووریا جه‌واهری” له‌ دادگای سنه‌

-

خۆكوژی مێرمنداڵێك له‌ شاری سه‌قز

-

ئازادی “یاسر حسێنی” به‌ دانانی وه‌سیقه له‌ زیندانی كامیاران

-