كرێكارانی شیركه‌تی فوولادی پارس له حه‌وت ته‌په ڕۆژی یه‌كشه‌ممه ١ی گه‌لاوێژ بۆ پێنجه‌مین ڕۆژی به‌رده‌وام له ناڕه‌زایه‌تی به جێبه‌جێ نه‌كردنی خواسته‌كانیان كۆبوونه‌وه.
كرێكارانی ناڕازی شیركه‌تی فوولادی پارس خوازیاری به‌كرده‌وه ده‌رهاتنی گه‌ڵاڵه‌ی ڕیزبه‌ندی پیشه‌كان، بردنه‌سه‌ره‌وه‌ی حه‌قده‌ست و مه‌زایا و په‌رداختی حه‌قی سه‌ختی كار بوون. كرێكارانی ناڕازی ڕایانگه‌یاند كه تا گه‌یشتن به داخوازییه‌كانیان درێژه به مانگرتن و كۆبوونه‌وه ئه‌ده‌ن.