به‌پێی ئه‌و دیمه‌نانه‌ی له تۆڕه كۆمه‌ڵایه‌تیه‌كان بڵاو كراوه‌ته‌وه، گه‌نجانی ئازادیخوازی كوردستان دیواری شاره‌كانیان به دروشمی دژه حكوومه‌ت نه‌خشاندووه.
له‌گه‌ڵ ده‌ستپێكی وه‌رزی گه‌رما، قه‌یرانی كه‌م ئاوی له شاره‌كانی كوردستان سه‌ری هه‌ڵداوه و خه‌ڵكی ئازادیخوازی كوردستان به نووسینی دروشمه‌كانی “مه‌رگ بۆ خامنه‌یی“، “بۆمبی ئه‌تۆممان ناوێت، ئاوی خه‌ڵك دابین بكه” و “نا بۆ په‌تی سێداره” دژایه‌تی خۆیان له‌گه‌ڵ ڕژیمی جه‌نایه‌تكاری كۆماری ئیسلامی نیشان داوه.