به پێی ڕاپۆرته بڵاوكراوه‌كان، له‌مساڵدا، به‌هۆی قه‌یرانی به‌رهه‌مهێنان، پتر له ١٠٠ كارخانه‌ی تۆنی ماسی له ئێران داخراون.
به‌وته‌ی ئه‌ندامی سه‌ندیكای سه‌نایه‌عی ئێران، له ١٣٥ كارخانه‌ی به‌رهه‌مهێنانی تۆنی ماسی، كه‌متر له ٣٠ كارخانه چالاكن و به كه‌متر له ٢٠ له‌سه‌دی توانای به‌رهه‌مهێنانه‌وه خه‌ریكی كارن. شایانی باسه نه‌بوونی پشتیوانی ده‌وڵه‌ت، ته‌رخاان نه‌كرانی دراو بۆ هاورده كردنی تۆنی ماسی، بایه‌خ نه‌دانی به‌رپرسانی ڕژیم به‌م ته‌وه‌ره، قه‌یرانی به‌رهه‌مهێنانی له‌م ناوه‌ندانه‌دا لێكه‌وتووه‌ته‌وه.