به‌ڕێوه‌به‌رایه‌تی شیركه‌تی فڕۆكه‌وانی ئیران ئه‌یر ڕۆژی دووشه‌ممه ٤ی خاكه‌لێوه ڕایگه‌یاند: به‌هۆی ته‌حریمی شیركه‌تی فڕۆكه‌وانی ئێران ئه‌یر(هوما)، له هه‌ر فڕینێك دا به ڕێژه‌ی ٨ تۆن ئاماری هاورده‌كردنی ده‌رمان دابه‌زیوه.
به وته‌ی ئه‌و به‌رپرسه ده‌وڵه‌تییه، له هه‌ر فڕینێكی شیركه‌تی ئیران ئه‌یر دا ١٢ تۆن كه‌لووپه‌ل هاورده كراوه كه ٨ تۆنی ده‌رمان بووه. زۆربه‌ی ئه‌و ده‌رمانانه له وڵاتی ئاڵمانه‌وه هاورده‌ی وڵات كراوه به‌ڵام به‌هۆی ته‌حریمی شیركه‌ت، ئاماری هاورده‌كردنی ده‌رمان له هه‌ر فڕینێك دا به ڕێژه‌ی ٨ تۆن دابه‌زیوه. دابه‌زینی ئاماری هاورده‌كردنی ده‌رمان و وه‌لانانی ئه‌رزی نیمایی، بووه‌ته هۆی كه‌می ده‌رمان له بازاڕه‌كان دا و نه‌خۆشه‌‌كان چی تر توانانی دابینكردنی ده‌رمانیان نه‌ماوه و داوا له پزیشكان ده‌كه‌ن كۆتایی به ژیانیان بێنن. له‌لایه‌كی دیكه‌وه، مه‌هشید ناسێحی سه‌رۆكی به‌شی نه‌خۆشییه‌كانی سێل و گولی له وه‌زاره‌تی بێهداشت ڕایگه‌یاندووه كه زیاتر له حه‌وت هه‌زار تووشبووی نه‌خۆشی سێل له ساڵی ١٤٠٣ ده‌ست نیشان كراون.