ڕۆژی چوارشه‌ممه ٢١ی سه‌رماوه‌زی ١٤٠٣، كوردانی دانیشتووی ئورووپا له شاری بڕۆكسل كۆبوونه‌وه و به ڕێپێوان خۆیان گه‌یانده به‌رده‌م پاڕله‌مانی یه‌كێتی ئورووپا و خوازیاری ڕاگرتنی هێرشه‌كانی توركیا بۆ سه‌ر ڕۆژئاوای كوردستان بوون.
ئه‌و ڕێپێوانه كه له‌لایه‌ن حیزب و لایه‌نه سیاسییه‌كانه‌وه ڕێكخرابوو، له‌لایه‌ن كوردانی هه‌ر چوار پارچه‌ی كوردستانه‌وه پێشوازی لێ كرا. خۆپێشانده‌ران هاوكات له‌گه‌ڵ هێرشه‌كانی ده‌وڵه‌تی تورك و ئیسلامگه‌راكانی سه‌ر به‌و وڵاته بۆ سه‌ر ڕۆژئاوای كوردستان، له‌به‌رده‌م پاڕله‌مانی یه‌كێتی ئورووپا كۆبوونه‌وه و بێده‌نگی كۆمه‌ڵگای جیهاینان له ئاست كۆمه‌ڵكوژییه‌كانی ده‌وڵه‌تی ئه‌ردۆغان به توندی شه‌رمه‌زار كرد. خۆپێشانده‌ران به به‌ده‌سته‌وه‌گرتنی ئاڵای ڕۆژئاوا و وتنه‌وه‌ی دروشم خوازیاری ڕاگرتنی هێرشه‌كانی ئه‌رته‌شی توركیا و گرووپه ئیسلامگه‌راكان بۆ سه‌ر خه‌ڵكی مه‌ده‌نی بوون.