ڕۆژی پێنجشه‌ممه ٣ی مانگی خه‌رمانان، هه‌زاران كرێكاری ئافریقای جنووبی ڕژانه سه‌ر شه‌قامه‌كانی شاری “پرێتۆریا” و خوازیاری چوونه‌سه‌روه‌ی ئاستی حه‌قده‌ست و دابینكردنی ئه‌منییه‌تی پیشه‌یی بوون.
به‌پێی ڕاپۆرته‌كان، كرێكارانی ئافریقای جنووبی به بڕیاری ئیتحادییه‌كانی كرێكاریی ئه‌و وڵاته به‌ناوی “سافتوو” مانگرتنیان ده‌ستپێكردووه و خوازیاری بردنه‌سه‌ره‌وه‌ی ئاستی حه‌قده‌سته‌كانیا به‌پێی ڕێژه‌ی هه‌ڵاوسان و تێچووی مه‌عیشه‌ت بوون. ناڕه‌زایه‌تی كرێكارانی ئافریقای جنووبی دوای ئه‌وه ده‌ستپێكرد كه سه‌رۆككۆماری ئه‌و وڵاته له‌گه‌ڵ چوونه‌سه‌ره‌وه‌ی حه‌قده‌ستی كرێكاران دژایه‌تی كرد و له به‌رامبه‌ردا حقووقی سه‌رۆككۆماری و وه‌زیره‌كانی به‌ڕێژه‌ی ٣٪ برده سه‌ره‌وه. جێگای ئاماژه‌یه كه ڕێژه‌ی هه‌ڵاوسان له ئافریقای جنووبی گه‌یشتووه‌ته ٧.٨٪ و به‌ملیۆنان كه‌س له دۆخێكی خراپدا ده‌ژین.