ڕۆژی هه‌ینی ٦ی ڕه‌زبه‌ری ١٤٠٣، سه‌دان شارومه‌ندی ئه‌مریكایی له به‌رده‌م ساختمانی نه‌ته‌وه‌یه‌كگرتووه‌كان كۆبوونه‌وه و دژبه ده‌وڵه‌تی ئیسڕائیل دروشمیان به‌رز كرده‌وه.
به‌پێی ڕاپۆرته‌كان، بنیامین نتانیاهوو ڕۆژی هه‌ینی له كۆبوونه‌وه‌ی گشتی نه‌ته‌وه‌یه‌كگرتووه‌كان وتاری وتووه و هاوكات له ده‌ره‌وه‌ی ساختمان، سه‌دان شارومه‌ندی ئه‌مریكایی خۆپێشاندانیان كردووه و خوازیاری ڕاگرتنی ده‌ستبه‌جێی شه‌ڕ له غه‌زه و لوبنان بوون. له‌گه‌ڵ قسه‌كانی نتانیاهوو، هێرشه‌كانی ئیسڕائیل بۆ سه‌ر غه‌زه و لوبنان به‌رده‌وام بووه و به پێی دوایین زانیارییه‌كان، ده‌یان كه‌س له ئۆردووگای جبالیای غه‌زه و ناوچه‌ی زاحییه‌ی لوبنان كوژران و بریندار بوون.