رۆژی هەینی 18ی مانگی پووشپەڕ، بە هەزاران کەس لە شارەکانی باشووری عێڕاق لە ناڕەزایەتی بە بڕانی بەردەوامی کارەبا رژانە سەر شەقامەکان و درووشمی دژە دەوڵەتیان داوە.
خەڵکی ناڕازی لە شارەکانی باشووری عێڕاق، لەوانە: نەجەف، زیقار، شەیخ ئەلشیوخ، سەید دەخیل، بەسرە، میسان، دیوانییە، کوت و هەر وەها لە شارەی بەغداش بە رێپێوان و وتنەوەی درووشمی دژە دەوڵەتی ناڕەزایەتی خۆیان بە بڕانی بەردەوامی کارەبا و ناکارامەی بەرپرسان و کاربەدەستانی حکومەتی دەربڕی. خۆپێشاندەران و خەڵکی تووڕە دەڵێن: “تا گەیشتن بە خواستەکانیان شەقامەکان بە جێ ناهێڵن”.